Көмүс күһүнү көрсө ,,Күһүҥҥү киһи күлбүтүнэн,, Доллу нэһилиэгин ,,Алыптаах,,коллекционердар түмсүүлэрин көҕүлээһининэн дьаарбаҥка -быыстапка тэрилиннэ.
Доллу нэһилиэгэр С.Н.Сивцев- Доллу аатынан норуот айымньытын дьиэтигэр ураты интэриэстээх, арааһы мунньар дьикти дьарыктаах дьоммут түмсэн ,,Күһүҥҥү киһи күлбүтүнэн,, диэн атыы- тутуу дьаарбаҥкатын тэрийдилэр. Кыттыыны ыллылар Дьокуускай куораттан, Чурапчы, Уус- Алдан улуустара, Мэҥэ- Хаҥаластан Майя, Төҥүлү, Хаптаҕай, Тумул нэһилиэктэрин коллекционердара. бу үөрүүлээх тэрээһиҥҥэ Дьокуускай куораттан Саха сирин коллекционердарын түмсүүтүн салайааччыта Надежда Усова тыл этэн эҕэрдэлээтэ, …