Рубрика «2021 год»

«Доллу дьоно кэрэни уһансаллар» СӨ култууратын туйгуна Анна Степановна Кычкина Күөллэрики, Доллу нэһилиэгин култууратын сырдатар кинигэтэ сүрэхтэннэ.

Өр сыл Доллу нэһилиэгэр бибилэтиэкэринэн үлэлээбит, СӨ култууратын туйгуна, Доллу нэһилиэгин Бочуоттаах олохтооҕо, бастыҥ уопсастыбанньык, Үлэ, сыана, култуура бэтэрээнэ Анна Степановна Кычкина — *Доллу дьоно кэрэни уһансаллар* диэн күүтүүлээх кэтэһиилээх кинигэтэ сүрэхтэннэ. Анна Степановна бибилэтиэкэҕэ үлэлиир кэмнэригэр сонуну, сырдыгы эрэ тарҕатааччынан буолбакка, сэрии, үлэ бэтэрээннэриттэн ахтыыларын хомуйан, олус улахан үлэни оҥорбута, ону тэҥэ култуура эйгэтин …

Уруйдан улуу Олоҥхо!

Алтынньы ыйга Олоҥхо күнүн көрсө Доллу нэһилиэгэр араас өрүттээх үтүө тэрээһиннэр ыытылыннылар. Олохтоох библиотекарь Птицына Евгения Ивановна сахалыы таба суруйууга, олоҥхо баай тылын — өһүн, билиини- көрүүнү кэҥэтэр сыалтан Олоҥхо декадатын чэрчитинэн Өрөспүүбүлүкэтээҕи «Олоҥхо дьыктаана» аахсыйаҕа кыттыыны ыллыбыт. «Көмүлүөк тула» тэрээһиҥҥэ биһиги Далбар Хотуттарбыт оҕолорбутун араҥаччылаан арчылаан ыраастаан, саха киһи сиэринэн арыылаах алаадьынан айах тутан …

Хорообукка «Сулустаах эстэпиэтэ»

Сэтинньи ый 20 күнүгэр Хорообут норуот айымньытын дьиэтигэр улуустааҕы «Мындыр саас» бырайыак чэрчитинэн, «Биһиги Сойууска төрөөбүт дьоллоохпут» диэн девизтээх 12-с төгүлүн ыытыллыбыт аҕам саастаахтар декадалыгар олоҕуран «Сулустаах эстэпиэтэ» бэстэбээлэ буолан ааста. «Сулустаах эстэпиэтэ» кыттыылаахтарын Табаҕа, Бүтэйдээх, Тумул аҕам саастаахтарын Хорообут нэһилиэгин «Арчы» түмсүү Далбар Хотуттара сахалыы киһи сиэринэн арыылаах алаадьынан, кымыһынан, саламаатынан айах тутан көрүстүлэр. …

Сулууспалыыр эбээһинэстэрин толоро сылдьан олохтон туораабыт ыччаттарбытын өйдүүбүт, саныыбыт!

Быйылгы сылбыт дойдубут үрдүнэн Аҕа Дойдуну көмүскээччилэр сылларынан уонна Улуу Кыайыы 80 сылынан биллэриллэн араас үтүө, үйэтитэр өрүттээх тэрээһиннэр ыытылыннылар. СӨ култууратын үтүөлээх артыыһа С.Н.Сивцев –Доллу аатынан норуот айымньытын дьиэтин түмэлигэр, сулууспалыыр эбээһинэстэрин толоро сылдьан олохтон туораабыт биир дойдулаахтарбыт сырдык ааттарын үйэтитэр сыаллаах анал истиэндэ арылынна. Улуу Кыайыы 80 сыла барыбытыгар дириҥ өйдөбүллээх ытык бэлиэ …

Олоҥхо декадатын чэрчитинэн «Төрүт тыыны уһугуннарыы» маастар кылаас.

Сэтинньи ый 14 күнүгэр Балыктаах култуура дьиэтигэр олоҥхо декадатын чэрчитинэн «Төрүт тыыны уһугуннарыы» — эти- хааны эрчийии, кылыһах уһугуннарыыта, норуот уус -уран айымньытын көрүҥнэригэр: олоҥхо, тойук, хомус, норуот ырыата, оһуохай көрүҥнэригэр маастар кылаас ыытылынна. Маастар кылааһы «Олоҥхо Баттл- 2024сыл», Бүтүн Аан Дойдутааҕы «Бахши» фольклор күрэҕин кыайыылааҕа, Саха Сирин үтүөлээх оһуохай этээччитэ, Саха Өрөспүүбүлүкэтин култууратын туйгуна …

А5ам саастаахтар күннэрэ

Алтынньы ый бастакы аҥаарыгар үтүө үгэс буолан ыытыллар Аҕам саастаахтарга аналлаах тэрээһин ыытылынна. Бу дьоро күҥҥэ бэйэ-бэйэлэрин эҕэрдэлэһэн, ирэ-хоро кэпсэтэн, ыллаан –туойан, үҥкүүлээн , үгүс көрдөөх оонньууга кыттыһан , күлэн-үөрэн сынньанан бардылар. Күһүн аайы баай байанай барахсан абылаҥар ылларбыт нэһилиэкпит күүстээх аҥардара, булчут уолаттара үтүө үгэс оҥостон, күндү дьоммутугар анаан, бырааһынньыктааҕы сандалыга Кус миининэн …

Доллу нэһилиэгэр саҥа дьиэ үлэҕэ киирдэ

Уйгуну-быйаҥы уһансан, олохсуйан олорор көмүс биһикпитигэр – Доллу нэһилиэгин дьоллоох туонатыгар олус улахан суолталаах, устуоруйаҕа киирэр үөрүүлээх тэрээһин ыытылынна. Дойду бэрэсидиэнэ Владимир Путин көҕүлүүр *Олорор дьиэ уонна куорат эйгэтэ* национальнай бырайыак *2019-2025сылларга хаарбах дьиэттэн дьону көһөрүү* федеральнай бырагыраама чэрчитинэн саҥалыы тутуулаах, элбэх кыбартыыралаах дьиэбит үөрүүлээх арыллыыта буолла. Үрдүк мэҥэ халлаан үрүҥ тыыннаах тоҕус үтүө Айыыларыгар, …

СӨ үтүөлээх артыыһа С.Н.Сивцев-Доллу «Төннүөҕүм дойдубар Мэҥэбэр…» диэн сырдык аатын үйэтитэр бэлиэ күн.

Бэс ыйын 26 күнүгэр Хотун Төҥүлү кэтит туонатыгар таалалаан олохсуйбут туруу үлэһит, аар саарга аатырар дьоһун –мааны дьоннордоох, талба -талаан ыччаттардаах Доллу нэһилиэгэр, дьон түмсэн ыллыыр-туойар СӨ үтүөлээх артыыһа Степан Николаевич Сивцев- Доллу аатынан норуот айымньытын дьиэтигэр киэн тутта ааттыыр биир дойдулаахпыт Арассыыйа Бочуоттаах кинематографиһа, Былатыан Ойуунускай аатынан Судаарыстыбаннай бириэмийэ лауреата, СӨ үтүөлээх артыыһа, Мэҥэ-Хаҥалас …

Биир дойдулаахпыт, СӨ култууратын үтүөлээх үлэһитэ, Арассыыйа норуотун үөрэҕириитин туйгуна, 20- с үйэҕэ СӨ успуордун лауреата, Тыыл, Үлэ, Арассыыйа успуордун бэтэрээнэ, Семен Никифорович Эверстов 95- сааһыгар аналлаах сырдык аатын үйэтитэр истиэндэни арыйыы бэлиэ түгэнэ.

Хотун Төҥүлү киэҥ туонатыгар таалалаан олохсуйбут туруу үлэһит, аар саарга аатырар дьоһун –мааны дьоннордоох, талба -талаан ыччаттардаах Доллу нэһилиэгэр, дьон түмсэн ыллыыр-туойар, сынньанар СӨ үтүөлээх артыыһа С.Н. Сивцев- Доллу аатынан норуот айымньытын түмэлигэр 2022 сылтан нэһилиэкпит чулуу дьоннорун үтүө ааттарын үйэтитээһин үлэтэ саҕаламмыта. Ахсынньы ый 12 күнүгэр СӨ култууратын үтүөлээх үлэһитэ Арассыыйа норуотун үөрэҕириитин туйгуна, …

СӨ култууратын үтүөлээх үлэһитэ Арассыыйа норуотун үөрэҕириитин туйгуна, 20- с үйэҕэ СӨ успуордун лауреата, Тыыл, Үлэ, Арассыыйа успуордун бэтэрээнэ, Семен Никифорович Эверстов 95- сааһыгар аналлаах 2011-12, 2013-14 сс уолаттарга Республиканскай көҥүл тустууга аһаҕас турнира ыытылынна.

Семен Никифорович ЭВЕРСТОВ — Саха республикатын культуратын үтүөлээх үлэһитэ, Российскай Федерация норуотун үөрэ5ириитин туйгуна, тыыл уонна үлэ ветерана, Россия спордун ветерана, 20-с үйэ5э Саха республикатын СПОРД-ун лауреата — 1929 сыллаахха бала5ан ыйын 27 күнүгэр Доллу нэһилиэгэр Никииппэр Махсыымабыс уонна Мааппа Павловна Эверстовтар дьиэ кэргэннэригэр бастакы о5онон төрөөбүтэ. Төрөппүттэрэ эрдэ өлөннөр а5атын эдьиийигэр Власова Анна Максимовна5а …