Сэбиэскэй партийнай салайааччы, уопсастыбаннай диэйэтэл, СӨ норуотун хаһаайыстыбатын үтүөлээх үлэһитэ, СӨ тыатын хаһаайыстыбатын, судаарыстыбаннай сулууспа, тэлэбиидэнньэ уонна араадьыйа туйгуна, Чурапчы, Булуҥ улуустарын, Мэҥэ-Хаҥалас улууһун, Доллу нэһилиэгин бочуоттаах олохтооҕо, Чурапчы көһөрүллүүтүн үйэтитээччи, киэн туттар биир дойдулаахпыт Агафья Семеновна Птицына сырдык аатын үйэтитэр тэрээһин үрдүк таһымнаахтык ыытыллыбыта.
Ол чэрчитинэн быйыл нэһилиэк түмэлигэр Чурапчы улууһун Хатылы нэһилиэгин түмэлин сэбиэдиэссэйэ Марфа Владимировна Чичигинарова сүүстэн тахса экспонаты бэлэх уунна.
