Республика күнүнэн итии-истиҥ эҕэрдэ буоллун!
История этэринэн… 89 сыл анараа өттүгэр, 1922 с. муус устар 27 күнүгэр РСФСР ВЦИК Президиумун Постановлениятынан ЯАССР тэриллибитэ. Бу саха омугар улахан ситиһии, саҥа сайдыыга төһүү күүс буолбута. Маны ситиһэргэ саха чулуу уолаттара Алексей Кулаковскай, Василий Никифоров, Гавриил Ксенофонтов, Максим Аммосов, Платон Ойуунускай, Степан Аржаков, Исидор Барахов уонна да атыттар кылааттара үгүс. Онтон 1992 с. муус устар 27 күнүгэр Верховнай Совет ХII ыҥырыылаах мунньаҕар Саха республикатын Конституцията ылыныллыбыта.
Барыгытын Саха республикатын күнүнэн өссө төгүл итии-истиҥ эҕэрдэ буоллун. Чөл өйдөөх-санаалаах, чэгиэн эттээх-сииннээх, сатабыллаах уонна дьоллоох буолун. Сахабыт сирэ чэчирии сайдарын туһугар бары биир санаанан сомоҕо буолуоҕун.
Уруй-Айхал!
Уруй Туску!
Муус устар 26 күнүгэр биһиги киэҥ туттар биир дойдулаахтарбыт Доллу нэһилиэгэр бастакы колхуос бэрэссэдээтэлинэн үлэлээбит,Аҕа дойду сэриитин кыттыылааҕа Алексей Прокопьевич Максимов уонна «Шахтер албан аата» знак толору кавалера, Россия үтүөлээх металлура, Социалистическай Үлэ Геройа Тарас Гаврилович Десяткин сквердэригэр сибэкки дьөрбөтүн ууруу.
»Уруйдуох Улуу дьоммутун» Оһуохай флешмоб
Тумуллааҕы Култуура киинигэр М.Горькай аатынан совхоз Күөллэрики отделениятыгар үлэлээн -хамсаан ааспыт биир дойдулаахтарбытын, аҕам саастаах бэтэрээннэрбитин »Үлэлээн ааспыт үтүө кэмнэрбит» диэн үөрүүлээх тэрээһиҥ. »Таптыыбын Сахам Сирин!» эҕэрдэ кэнсиэр.
Муус устар 27 күнэ — Аллараа Бэстээх, Шефствие, Доллу нэһилиэгин делегацията
