Кулун тутар 28 күнүгэр СӨ үтүөлээх артыыһа С.Н. Сивцев- Доллу аатынан норуот айымньытын дьиэтигэр Бэтэрээн тырахтарыыс, агроном, СӨ тыатын хаһаайыстыбатын туйгуна, Арассыыйа Бочуотунай грамотатынан наҕараадаламмыт, Доллу нэһилиэгин Бочуоттаах олохтооҕо, Үлэ, Сыана бэтэрээнэ Егор Васильевич Десяткин сырдык аатын үйэтитэр “Сирдиин ситимнээх күндү киһибит» кинигэ сүрэхтэниитин биһирэмэ ыытылынна.
“Сирдиин ситимнээх күндү киһибит» кинигэ ис тутулун сырдатта СӨ үөрэҕириитин туйгуна, *Учууталлар учууталлара*, СӨ үөрэҕириитин Бочуоттаах үлэһитэ, бэтэрээн–учуутал Матрена Степановна Варламова. Кинигэ түмүллэн, таҥыллан «Сайдам» редакцияҕа бэчээттэнэн таҕыста. 75 экземплярдаах, халыҥ тастаах, иннэ-кэннэ хаартыскалаах, өҥнөөх гына оҥоһуллубут. Элбэх ахтыылар, хаартыскалар разделларынан сааһыланан киирдилэр. Кинигэ тахсыытыгар үлэлэстилэр:
- Таисия Васильевна Десяткина
- Надежда Михайловна Десяткина
- Матрена Степановна Варламова
- Любовь Егоровна Ноговицына.
Бу бэлиэ күн эҕэрдэ тылы, ахтыы оҥордо *Доллу нэһилиэгэ* ТСТ баһылыга Николай Прокопьевич Сивцев.
Егор Васильевич, олус элбэҕи ааҕара, дириҥ билиилээҕэ. Пенсияҕа тахсан, бочуоттаах сынньалаҥҥа олорон айар дьоҕура арыллан, хаһыаттарга дьонун-сэргэтин, Сири кытта үлэлэһии туһунан элбэх ыстатыйалары таһаартарбыта. Хоһоон суруйуутунан эмиэ холоммута. Ол курдук, Егор Васильевич, *Кистэлэҥ иэйиилэр* хоһоон айааччыларын түмсүүлэрин чилиэнэ. Кини суруйбут *Хоһуун үлэһит-тырахтарыыс* хоһооно *Эркээйи* хаһыат 80 сыллаах үбүлүөйүн көрсө ыытыллыбыт куонкуруска 1- кы миэстэни ылбыта. *Тумул* ТХПК бурдук хаһаайыстыбата тэриллибитэ 20 сылын көрсө таҥыллан тахсыбыт *Доллу тырахтарыыстара* кэрэхсэбиллээх кинигэҕэ бэчээттэммитэ. Киэн туттар биир дойдулаахпыт Аҕа дойду сэриитин кыттыылааҕа Семен Семенович Титов 100 сааһын көрсө кини сырдык кэриэһигэр анаан *Хорсун буойун* хоһоону суруйбута.
Егор Васильевич талан ылбыт агроном идэтинэн олус бэриниилээхтик, айымньылаахтык үлэлээбитин сырдаттылар Дьокуускай куораттан *СӨ сир оҥоруута* судаарыстыбаннай бүдьүөтүнэй тэрилтэ салайааччытытын солбуйааччыта, сорт боруобатын отделын салайааччыта Александра Дмитриевна Алексеева, Саха сирин үтүөлээх агронома,*Бочуот знага* орден кавалера Дария Васильевна Михайлова
- Өр сылларга бииргэ үлэлээбит коллегалара Төҥүлүтээҕи Госсорто-учаастак агрономнара: СӨ тыатын хаһаайыстыбатын туйгуна Николай Ильич Стрекаловскай, Ксения Романовна Верховцева.
Егор Васильевич оскуолаҕа ситиһиилээхтик үөрэммитэ. Бииргэ үөрэммит оҕолоругар улахан биһирэбили, убаастабылы ылара. Бииргэ үөрэммит доҕотторун аатыттан ахтыы тылы эттэ Үлэ бэтэрээнэ, СӨ тыатын хаһаайыстыбатын үтүөлээх үлэһитэ, Доллу нэһилиэгин Бочуоттаах олохтооҕо Василий Васильевич Свинобоев.
Егор Васильевич үлэтинэн эрэ муҥурдаммакка нэһилиэк уопсастыбаннай үлэтин бары хайысхаларыгар көхтөөхтүк кыттара, куруук инники сылдьара. Наставник быһыытынан сүбэтэ-амата үгүс буолара.
- Өр сылларга Доллу нэһилиэгин баһылыгынан үлэлээбит, үлэ бэтэрээнэ, Саха Өрөспүүбүлүкэтин муниципальнай сулууспатын туйгуна, муниципальнай сулууспа бэтэрээнэ, Саха Өрөспүүбүлүкэтин норуотун хаҺаайыстыбатын үтүөлээх үлэҺитэ Иннокентий Васильевич Птицын.
- СӨ үөрэҕириитин систиэмэтин туйгуна, Социалистическай үлэ Геройа Тарас Гаврилович Десяткин аатынан Тумуллааҕы орто оскуола саха тылын, литэрэтиирэтин уонна култууратын учуутала Дагданча Анастасия Гаврильевна.
- А.С. Шахурдин аатынан Төҥүлүтээҕи орто оскуола дириэктэрэ Семен Николаевич Десяткин.
- СӨ үтүөлээх артыыһа Степан Николаевич Сивцев-Доллу аатынан норуот айымньытын дьиэтин дириэктэрэ СӨ култууратын туйгуна Акулина Силиновна Власова.
Хас биирдии киһиэхэ саамай чугас өйүүр, өйдүүр дьоннорунан дьиэ-кэргэнэ, бииргэ төрөөбүттэрэ, хаан-уруу аймахтара.
Бу үтүө өйдөбүл күҥҥэ Егор Васильевич дьиэ-кэргэнэ махтанан тыл эттилэр
- Егор Васильевич бииргэ төрөөбүт убайа, биологическай наука доктора, СӨ үтүөлээх деятелэ, Василий Васильевич Докучаев аатынан Арассыыйа наукаларын академиятын кыһыл көмүс мэтээлин лауреата, *Гражданскай килбиэн* Бочуотунай бэлиэнэн наҕараадаламмыт, Доллу нэһилиэгин, М-Х улууһун Бочуоттаах олохтооҕо Роман Васильевич Десяткин.
- Бииргэ төрөөбүт балтыта СӨ үөрэҕириитин туйгуна, СӨ ыччат бэлиитикэтин туйгуна, Арассыыйа үөрэҕирии эйгэтин Бочуоттаах үлэһитэ, *Учууталлар учууталлара* Февронья Васильевна Шишигина.
- Егор Васильевич таайа, өр сылларга совхоз сайдарыгар үтүмэн кылаатын киллэрсибит, Төҥүлү нэһилиэгин баһылыгынан үлэлээбит, Педагогическай үлэ бэтэрээнэ, методист-учуутал, “Мэҥэ аат” бэлиэ хаһаайына, Төҥүлү нэһилиэгин Бочуоттаах олохтоо5о Андрей Андреевич Стручков.
- Үлэ бэтэрээнэ, сэрии кэмин оҕото, Хара нэһилиэгин Бочуоттаах олохтооҕо Люция Егоровна Кондакова.
- Биир дойдулаахпыт, үлэ бэтэрээнэ, доруобуйа харыстабылын бэтэрээнэ Розалия Семеновна Гоголева.
Кинигэ тахсыытыгар күүскэ туруулаһан үлэлэспит, салайбыт киһинэн Егор Васильевич балта Арассыыйа, СӨ тыатын хаһаайыстыбатын үтүөлээх үлэһитэ, Судаарыстыбыннай бириэмийэ лауреата, СӨ бочуоттаах олохтооҕо, *Тумул* тыа хаһаайыстыбатын производственнай кэпэрэтиибин дириэктэрэ Таисия Васильевна Десяткина.
Киэн туттар, ытыктыыр киһибит Егор Васильевич Десяткин сырдык аатын үйэтитэр “Сирдиин ситимнээх күндү киһибит» кинигэ биһирэмигэр кэлэн кыттыбыт, истиҥ тыллары эппит, ахтыы оҥорбут күндү дьоммутугар ис-сүрэхтэн махтанабыт.
Барыгытыгар доруобуйаны, нус-хас дьоллоох олоҕу, этэҥҥэ буолууну баҕарабыт!