Ахсынньы ый 30 күнүгэр СӨ үтүөлээх артыыһа С.Н.Сивцев- Доллу аатынан норуот айымньытын дьиэтигэр оҕолорго аналлаах саҥа дьыллааҕы тэрээһин ыытыллынна. Бу күн кырачаан көрөөччүлэрбитигэр Евдокия Трухановна Птицына салайар «Аплодисменты» театральнай студия иитиллээччилэрэ «Хаар Хотун» (Снежная Королева) остуоруйаны бэлэх ууннулар.
Хотугу муустаах муораттан силлиэ буурҕа аргыстанан Тымныы Кыһын оҕонньор, сиэн кыыһынаан Хаарчааналыын оҕолорго кэһии тутуурдаах, үөрүү-көтүү аргыстаах тиийэн кэллилэр.
Кырачаан доҕотторбутугар кэлбит Саҥа Дьылынан итиитик истинник эҕэрдэлиибит! Үүммүт үтүө дьылга үөрүүгүт өссө үксээтин, үөрэххитигэр үгүс ситиһиилэри, кытаанах доруобуйаны баҕарабыт.