Өр сыл Доллу нэһилиэгэр бибилэтиэкэринэн үлэлээбит, СӨ култууратын туйгуна, Доллу нэһилиэгин Бочуоттаах олохтооҕо, бастыҥ уопсастыбанньык, Үлэ, сыана, култуура бэтэрээнэ Анна Степановна Кычкина — *Доллу дьоно кэрэни уһансаллар* диэн күүтүүлээх кэтэһиилээх кинигэтэ сүрэхтэннэ.
Анна Степановна бибилэтиэкэҕэ үлэлиир кэмнэригэр сонуну, сырдыгы эрэ тарҕатааччынан буолбакка, сэрии, үлэ бэтэрээннэриттэн ахтыыларын хомуйан, олус улахан үлэни оҥорбута, ону тэҥэ култуура эйгэтин көхтөөх кыттааччыларыттан, нэһилиэк үгүс олохтоохторуттан ахтыы хомуйан *Доллу дьоно кэрэни уһансар* кинигэни таһаарарга күүһүн сыратын түмэн, дууһатын ууран өр сыллартан ыра санаа оҥостон, үп-харчы булан күүтүүлээх-кэтэһиилээх кинигэтэ күн сирин көрдө. Саҥа кинигэ тахсарыгар күүс- тирэх, сүбэһит буолбут, Анна Степановналыын өр сыл кулуупка бииргэ алтыһан үлэлээбит, чугас дьүөгэтэ, Доллу нэһилиэгэр Дьахтар кэмитиэтин салайааччытынан үлэлээбит Мария Васильевна Местникова.
Анна Степановна Кычкина оҕо сааһа Балыктаахха ааспыта. Балыктаах орто оскуолатыгар 10 сыл үөрэнэн, *Үөрэх, Производство,Вуз* диэн партия ынырыытынан 2 сыл совхозка үлэлээбитэ. Ол кэннэ Таджикистаҥҥа Душанбе куоракка библиотекарь үөрэҕин бүтэрэн кэлэн 1979 сыллаахтан Тумулга бибилэтиэкэринэн ананан 2012 сылга дылы нэһилиэккэ култуура сайдыытыгар уонна уопсастыбаннай үлэҕэ ис сүрэҕиттэн кыһаллан, дьоҕурун –сатабылын ууран үтүө суобастаахтык үлэлээбитэ.
Бу үөрүүлээх күн эҕэрдэ тылын уонна махтал суруктарын туттарда «Доллу нэһилиэгэ» тыа сирин түөлбэ баһылыга Николай Прокопьевич Сивцев.
Махтал суругу туттарда СӨ үтүөлээх артыыһа С.Н.Сивцев-Доллу аатынан норуот айымньытын дьиэтин дириэктэрэ СӨ култууратын туйгуна Акулина Силиновна Власова.
Эҕэрдэ тылын уонна кинигэ ис тутулун сырдатта Мэҥэ-Хаҥаластааҕы бибилэтиэкэ ситимин Доллу нэһилиэгин бибилэтиэкэрэ Евгения Ивановна Птицына.
Эҕэрдэ тылы эттэ Анна Степановналыын өр сылларга бииргэ үлээбит, чугас дьүөгэтэ Үлэ, Госкино бэтэрээнэ Елена Николаевна Максимова.
- сыана бэтэрэээннэрэ *Доллу Хотуна* үҥкүү бөлөҕө -Оччотооҕу кэм популярнай үҥкүүтэ Узбекскай үҥкүү.
Сэбиэскэй доҕордуу дойдуга улааппыт, улуу Партия, Коммунизм, төлөннөөх көлүөнэтин аатыттан биир дойдулаахпыт Марфа Куличкина * Фестиваль ырыата* хоһоонун аахта педагогическай үлэ бэтэрээнэ, Учууталлар учууталлара- Елена Куличкина.
- СӨ тыатын хаьаайыстыбатын туйгуна, үлэ, сыана бэтэрээнэ Зинаида Толстякова Анна Тотонова репертуарыттан – Сахам дьахтара.
Анна Степановна үлэтин өйөөбүт нэһилиэкпитигэр бастакы култуура кинигэтэ тахсарыгар күүс-көмө буолбут биир дойдулаахтарбытыгар, нэһилиэкпит олохтоохторугар, тэрилтэлэригэр махтанан туран кинигэтин бэлэх уунна.
Кэрэни кэрэхсиир, үтүөҕэ сүгүрүйэр бар дьоммутугар «Доллу дьоно кэрэни уһансаллар» кинигэ сүрэхтэниитин бары кыттыылаахтарыгар кытаанах доруобуйаны, кэлэн иһэр саҥа сылга саҥа сырдык саҕахтары, бары үтүөнү баҕарабыт!