Сэтинньи ый 20 күнүгэр Хорообут норуот айымньытын дьиэтигэр улуустааҕы «Мындыр саас» бырайыак чэрчитинэн, «Биһиги Сойууска төрөөбүт дьоллоохпут» диэн девизтээх 12-с төгүлүн ыытыллыбыт аҕам саастаахтар декадалыгар олоҕуран «Сулустаах эстэпиэтэ» бэстэбээлэ буолан ааста.
«Сулустаах эстэпиэтэ» кыттыылаахтарын Табаҕа, Бүтэйдээх, Тумул аҕам саастаахтарын Хорообут нэһилиэгин «Арчы» түмсүү Далбар Хотуттара сахалыы киһи сиэринэн арыылаах алаадьынан, кымыһынан, саламаатынан айах тутан көрүстүлэр.
«Сулустаах эстэпиэтэ» бэстэбээл үөрүүлээх аһыллыытыгар кэлбит ыалдьыттарга, дьүүллүүр сүбэҕэ эҕэрдэ тылын тиэртэ тыа сирин түөлбэтин баһылыга Гаврил Юрьевич Бродников, Мэҥэ Хаҥалас улууһун аҕам саастаахтарын сэбиэтин бэрэссэдээтэлэ Евдокия Саввична Решетникова уонна норуот айымньытын дьиэтин директора Миитэрэй уола Ньургун Бэчигэн.
Бу үөрүүлээх тэрээһин күн 4 нэһилиэк аҕам саастаахтара 7 ирдэнэр нүөмэрдэри бар дьоҥҥо бэлэх ууннулар.
СӨ тыатын хаьаайыстыбатын туйгуна, үлэ, сыана бэтэрээнэ Нина Иванова «Дьоллоох олоҕу туойабын» тойук.
«Доллу Хотуна» үҥкүү бөлөҕө «Узбекскай үҥкүү».
Иннокентий Сосин тылларыгар, Христофор Максимов дьүрүлүгэр *Биригэдьиир Марыына* СӨ тыатын хаьаайыстыбатын туйгуна, үлэ, сыана бэтэрээнэ Зинаида Толстякова. Байааҥҥа доҕуһуоллаата СӨ үөрэҕириитин туйгуна Альбина Находкина.
Биир дойдулаахпыт Марфа Куличкина хоһоонун * Фестиваль ырыата* Елена Куличкина – уус-уран ааҕыы.
сценка *Перепись* Оруолларга: Анна Кычкина, Надежда Эверстова, Елена Куличкина.
Семен Данилов тылларыгар, Гаврил Никифоров дьүрүлүгэр «Алгыс» ветераннар түмсүүлэрин ансаамбылын толоруутугар *Өлүөнэ эбэккэм*.
Сыана бэтэрээнэ, СӨ культуратын туйгуна Анна Кычкина «Кэҕэ» ырыатын бэлэх ууна.
*Умнуллубат кэрэ кэмнэр*- ретро- муода
*Сойууска төрөөбүт дьоллоохпут * диэн девизтээх уус-уран кэнсиэрбит күндү көрөөччүлэригэр, барҕа махтал буолуохтун!
Барыгытыгар үтүө былааннаргыт, ыра санааларгыт туоллуннар, айар-тутар улэҕит таһаарыылаах, ситиһиилэрдээх буоллуннар, кытаанах доруобуйаны, дьолу баҕарабыт!