Уйгуну-быйаҥы уһансан, олохсуйан олорор көмүс биһикпитигэр – Доллу нэһилиэгин дьоллоох туонатыгар олус улахан суолталаах, устуоруйаҕа киирэр үөрүүлээх тэрээһин ыытылынна.
Дойду бэрэсидиэнэ Владимир Путин көҕүлүүр *Олорор дьиэ уонна куорат эйгэтэ* национальнай бырайыак *2019-2025сылларга хаарбах дьиэттэн дьону көһөрүү* федеральнай бырагыраама чэрчитинэн саҥалыы тутуулаах, элбэх кыбартыыралаах дьиэбит үөрүүлээх арыллыыта буолла.
Үрдүк мэҥэ халлаан үрүҥ тыыннаах тоҕус үтүө Айыыларыгар, Аан Ийэ дойду аламаҕай иччилэригэр алгыстаах тылын тиэрдэ, бар дьонун баараҕай баҕа санааларын көрдөһөн, саха дьонун сиэринэн саҥа дьиэбит ыраас эйгэлээх, бөҕө туруктаах, үйэлээх буоллун диэн туран- алгыс тылы анаата алгысчыт СӨ култууратын туйгуна Петр Максимович Тихонов.
. Бу үөрүүлээх күҥҥэ эҕэрдэ тылы эттилэр *Мэҥэ-Хаҥалас улууһа* муниципальнай оройуон баьылыгын тутууга солбуйааччыта Василий Валерьевич Филиппов.
2. *Мэҥэ- Хаҥалас улууһа* муниципальнай оройуонун Депутаттарын Сэбиэтин бэрэссэдээтэлэ Иннокентий Иннокентьевич Андросов.
3.*Доллу нэьилиэгэ* ТСТ баһылыга Николай Прокопьевич Си
Бу саҥа уопсай дьиэни кыайа-хото туппут тутааччылары иилээн-саҕалаан үлэлэппит, тутар тэрилтэ салайааччыта *Фаворит* хааччахтаммыт эппиэтинэстээх тэрилтэ директэрэ Владислав Николаевич Ефремов саҥа дьиэ Им бэлиэ күлүүһүн нэһилиэк дьаһалтатын баһылыгар Николай Прокопьевич Сивцевка туттарда.
үөрүүлээх быһыыга Саҥа дьиэбит Аалай кыһыл лиэнтэтин быстылар, олохтоохторго күлүүһү туттардылар:*Мэҥэ- Хаҥалас улууһа* муниципальнай оройуонун Депутаттарын Сэбиэтин бэрэссэдээтэлэ Иннокентий Иннокентьевич Андросов.
Доллу нэьилиэгэ* ТСТ баһылыга Николай Прокопьевич Сивцев.
*Фаворит* хааччахтаммыт эппиэтинэстээх тэрилтэ директэрэ Владислав Николаевич Ефремов.
Саҥа уопсай дьиэ олохтооҕо Үлэ бэтэрээнэ Елена Николаевна Максимова.
- эҕэрдэ тыл эттилэр: Арассыыйа, Саха Өрөспүүбүлүкэтин тыатын хаһаайыстыбатын үтүөлээх үлэһитэ, Судаарыстыбаннай бириэмийэ лауреата, Өрөспүүбүлүкэ бочуоттаах олохтооҕо, Тумул ТХПК дириэктэрэ Таисия Васильевна Десяткина.
- Саха Өрөспүүбүлүкэтин муниципальнай сулууспатын туйгуна, муниципальнай сулууспа бэтэрээнэ, Саха Өрөспүүбүлүкэтин норуотун хаҺаайыстыбатын үтүөлээх үлэҺитэ, Доллу нэһилиэгин *Алгыс* бэтэрээннэр түмсүүлэрин бэрэссэдээтэлэ Иннокентий Васильевич Птицын.
- Доллу нэһилиэгин уонна Мэҥэ-Хаҥалас улууһун Бочуоттаах олохтооҕо Дмитрий Дмитриевич Слепцов.
Саҥа, тупсаҕай тутуулаах уопсай дьиэбит үөрүүлээх түгэнин бэлиэтээн, үтүө тэрээһиммит кыттыылаахтарын , ыҥырыылаах ыалдьыттарын устуоруйа кэрэһитэ буолан хаалар хаартыскаҕа түстүлэр.