Хотун Төҥүлү киэҥ туонатыгар таалалаан олохсуйбут туруу үлэһит, аар саарга аатырар дьоһун –мааны дьоннордоох, талба -талаан ыччаттардаах Доллу нэһилиэгэр, дьон түмсэн ыллыыр-туойар, сынньанар СӨ үтүөлээх артыыһа С.Н. Сивцев- Доллу аатынан норуот айымньытын түмэлигэр 2022 сылтан нэһилиэкпит чулуу дьоннорун үтүө ааттарын үйэтитээһин үлэтэ саҕаламмыта.
Ахсынньы ый 12 күнүгэр СӨ култууратын үтүөлээх үлэһитэ Арассыыйа норуотун үөрэҕириитин туйгуна, 20- с үйэҕэ СӨ успуордун лауреата, Тыыл, Үлэ бэтэрээнэ, Арассыыйа успуордун бэтэрээнэ киэн туттар биир дойдулаахпыт Семен Никифорович Эверстов 95- сааһын көрсө сырдык аатын үйэтитэр истиэндэ арылынна.
Стенданы арыйдылар ,, Доллу нэһилиэгэ” тыа сирин түөлбэтин баһылыга Николай Прокопьевич Сивцев, Семен Никифорович Эверстов уола Алексей Семенович Эверстов, Арассыыйа Үөрэҕириитин Бочуоттаах үлэһитэ, СӨ Үөрэҕириитин туйгуна, Семен Никифорович сиэн быраата Дмитрий Кириллович Титов.
Бу бэлиэ күҥҥэ эҕэрдэ тылы эттэ Доллу нэһилиэгин баһылыга Николай Прокопьевич Сивцев.
Сиэн быраата Дмитрий Кириллович Титов.
Семен Никифорович төрөппүт уола Алексей Семенович Эверсов.
Бу үөрүүлээх тэрээһиҥҥэ Социалистическай Үлэ геройа Т.Г.Десяткин аатынан орто оскуола цирковой студиятын иитиллээччилэрэ кыттыыны ыллылар, салайааччы СӨ физическай култуура уонна спорт туйгуна, үлэ, успуорт бэтэрээнэ Анастасия Иннокентьевна Попова.
,,Ньургуһун,, үҥкүү бөлөҕө, салайааччы Алена Михайловна Кириллина.
ырыанан- тойугунан киэргэттилэр Ася, Дмитрий Титовтар
,,Доллу нэһилиэгэ,, ТСТ баһылыга Николай Прокопьевич Сивцев үтүө күҥҥэ эҕэрдэ тыл этэн биир дойдулаахпытыгар Арассыыйа Үөрэҕириитин Бочуоттаах үлэһитэ, СӨ Үөрэҕириитин туйгуна Дмитрий Кириллович Титовка ,,Доллу нэһилиэгэ социальнай -экономическай сайдыытыгар кылаатын,, иһин анал бэлиэ туттарда.
Бу үтүө күн кыттыыны ыллылар: СӨ физическэй култууратын уонна успуордун министиэристибэтин биир идэлээхтэрин сойууһун бэрэссэдээтэлэ Михаил Иванович Варламов, Хотугулуу илиҥҥи федеральнай университет физическай култуура уонна успуорт институтун ,,Физическай иитии,, кафедратын сэбиэдиссэйэ, педагогическэй билим доктара Николай Петрович Олесов, Хотугулуу илиҥҥи федеральнай университет физическэй култуура уонна успуорт институтун доцена, көҥүл тустууга норуоттар икки ардыларынааҕы успуорт маастара, судьуйа, олимпийскай оонньуулар кыттыылааҕа Владимир Гаврильевич Торговкин, Социалистическай Үлэ Геройа Т.Г.Десяткин аатынан Тумул орто оскуолатын директора Владислав Николаевич Кисиляхов, Доллу нэһилиэгин ,,Алгыс,, бэтэрээннэр түмсүүлэрин бэрэссэдээтэлэ, Мэҥэ-Хаҥалас бочуоттаах олохтооҕо Дмитрий Дмитрий Слепцов, педагогическай үлэ бэтэрээнэ Парасковья Ивановна Киренская, сиэн балта Мария Кирилловна Титова.
СӨ култууратын үтүөлээх үлэһитэ Арассыыйа норуотун үөрэҕириитин туйгуна, 20- с үйэҕэ СӨ успуордун лауреата, Тыыл, Үлэ бэтэрээнэ, Арассыыйа успуордун бэтэрээнэ киэн туттар биир дойдулаахпыт Семен Никифорович Эверстов 95- сааһын көрсө сырдык аатын үйэтитэр бэлиэ тэрээһиммит бары кыттыылаахтарыгар, ыалдьыт дьоммутугар бар5а махталбытын тиэрдэбит!Ба5арабыт барыгытыгар үтүө эрэ эңэрдэстин, кэрэ эрэ кэккэлэстин, дьол-саргы, ил-эйэ тосхойдун!
