Алтынньы ый 25 күнүгэр Олоҥхо күнүн көрсө аҕа саастаах Далбар Хотуттарбыт үтүө тэрээһиммитин арчылаан, сиэр- туом ыытан, кэлбит ыалдьыттарбытын, оҕолорбутун Арыылаах алаадьынан айах тутан көрүстүлэр.
Бу күн төрүт өбүгэлэрбит үгэстэрин утумнаан кэнчээри ыччаттарбыт өбүгэ оонньуутун оройуттан туттулар.
Сахалыы таба суруйуу үөрүйэҕин сайыннарар, олоҥхо баай тылын -өһүн, билиини- көрүүнү кэҥэтэр сыалтан Олоҥхо декадатын чэрчитинэн Өрөспүүбүлүкэтээҕи ,,Олоҥхо дьыктаана-2024,, аахсыйаҕа кыттыыны ыллыбыт.
Алтынньы ый 26 күнүгэр СӨ үтүөлээх артыыһа С.Н.Сивцев- Доллу аатынан норуот айымньытын дьиэтигэр ,,Уруйдан, улуу Олоҥхо!,, олоҥхону бөлөҕүнэн куолаан толоруу күрэҕэр ,,Куоласчаан,, уһуйаан иитиллээччилэрэ уонна Т.Г. Десяткин аатынан орто оскуола үөрэнээччилэрэ күөн күрэстэрэ ыытыллан 110 оҕо кыттыыны ылла.
Олоҥхобут уруйун олохтоон ,,Алгыс,, фольклорнай бөлөх олоҥхоһуттарын толоруутугар Н.И.Степанов-Ноорой ,,Күн Эрили,, олоҥхотун аахтылар, сал. А.С.Власова.
,,Куоласчаан,, уһуйаан иитиллээччилэрин толоруутугар ,,Дьулуруйар Ньургун Боотур,, олоҥхотуттан быһа тардыы, салайааччы Лена Николаевна Пономарева.
Социалистическай үлэ геройа Т.Г.Десяткин аатынан орто оскуола 1 кылаас үөрэнээччилэрин толоруутугар ,,Эрчимэн Бэргэн,, олоҥхоттон быһа тардыы, салайааччы Валентина Витальевна Кычкина.
2 кылаас үөрэнээччилэрин толоруутугар ,,Эрчимэн Бэргэн,, олоҥхотуттан быһа тардыы, салайааччы Вера Ионовна Кисиляхова.
3 кылаас үөрэнээччилэрин толоруутугар ,,Эрчимэн Бэргэн,, олоҥхотуттан быһа тардыы, салайааччы Күннэй Егоровна Васильева.
4 кылаас үөрэнээччилэрин толоруутугар ,,Мөҥүрүүр Бөҕө,, олоҥхотуттан быһа тардыы, салайааччы Алла Александровна Заровняева.
5 кылаас үөрэнээччилэрин толоруутугар ,,Эрчимэн Бэргэн,, олоҥхоттон быһа тардыы, салайааччы Айыына Алексановна Эверстова.
6 кылаас үөрэнээччилэрин толоруутугар ,,Эрчимэн Бэргэн,, олоҥхоттон быһа тардыы, салайааччы Варвара Дмитриевна Клепандина.
7 кылаас үөрэнээччилэрин толоруутугар ,,Дьырыбына Дьырылыатта уонна тойон Дьөллүүт,, олоҥхоттон быһа тардыы, салайааччы Анна Николаевна Свинобоева.
8 кылаас үөрэнээччилэрин толоруутугар ,,Быыра Баадьа,, олоҥхоттон быһа тардыы, салайааччы Полина Иннокентьевна Неустроева.
9 кылаас үөрэнээччилэрин толоруутугар ,,Сылгы уола Дьыырай Бухатыыр,, олоҥхоттон быһа тардыы, салайааччы Наталья Романовна Константинова.
10 кылаас үөрэнээччилэрин толоруутугар ,,Мөҕөрүүн Бөҕө,, олоҥхоттон быһа тардыы, салайааччы Парасковья Владимировна Десяткина.
Күөн күрэспит дьүүллүүр сүбэтигэр: СӨ култууратын туйгуна- Анатолий Агитович Скрябин, СӨ үөрэҕириитин туйгуна, саха тылын, литэрэтиирэтин учуутала Анастасия Гаврильевна Дагданча, СӨ утуелээх артыыһа С.Н.Сивцев- Доллу аатынан норуот айымньытын дьиэтин директора, СӨ култууратын туйгуна Акулина Силиновна Власова.
Алын сүһүөх кылаастар кыайыылаахтара:
1 м- 3 кылаас үөрэнээччилэрэ, сал. Васильева К.Е.
2 м- ,,Куоласчаан,, уһуйаан иитиллээччилэрэ, сал. Пономарева Л.Н.
3 м- 2 кылаас үөрэнээччилэрэ, сал. Кисиляхова В.И.
Үрдүк сүһүөх кылаастар кыайыылаахтара:
1 м.-7 кылаас үөрэнээччилэрэ, сал. Свинобоева А.Н.
2м.-10 кылаас үөрэнээччилэрэ, сал. Десяткина П.В.
3м. — 5 кылаас үөрэнээччилэрэ, сал. Эверстова А.А.
Бары кыайыылаахтарбыт уонна кыттааччыларбыт анал туоһу суругунан, сертификатынан наҕараадаланнылар.
Бу күн нэһилиэкпит уран тарбахтаах иистэнньэннэрин,,Дьүөгэлиилэр,, уонна ,,Иис абылаҥа,, ,,Утум,, кыл,сиэл оҥоһуктар түмсүүлэрин тикпит оҥоһуктарын быыстапката уурулунна.
Бу үөрүүлээх тэрээһиҥҥэ кыттыбыт бар дьоммутугар барҕа махтал тиэрдэбит, дьоллоох, доруобай буолун!