Сахабыт сиригэр быйыл Оҕо саас сыла биллэриллибитинэн, араас хайысхалаах тэрээһиннэр ыытыллаллар, элбэх чулуу спортсменнар үүнэн- сайдан тахсалларыгар сыал- сорук, төһүү күүс буоларыгар улахан хардыы буолар. Биһиги нэһилиэкпитигэр успуордунан дьарыктанар, успуорду өрө тутан киэҥ араҥаҕа тарҕатар биир дойдулаахтарбытынан, кэнчээри ыччаттарбытынан киэн туттабыт. Ол курдук от ыйын 10 күнүгэр нэһилиэктэрин, улуустарын, өрөспүүбүлүкэлэрин аатын дорҕоонноохтук ааттатар спортсмен ыччаттарбытын чиэстээтибит.
,,Азия оҕолоро,, норуоттар икки ардыларынааҕы 8-с спортивнай оонньууларга, ону тэҥэ ,,Федерация Кубога,, уонна ,,Спортивные Якутяне,, үөрэнээччилэр спартакиадаларыгар ситиһиилээхтик кыттан, Өрөспүүбүлүкэ, Мэҥэ- Хаҥалас хамаандаларыгар киирэн төрөөбүт дойдуларын чиэһин көмүскээбит, муҥутуур чыпчаалга кыайыыны аҕалсыбыт эдэр спортсмен ыччаттарбытын, тренердэрин чиэстээтибит:
-Көҥүл тустууга Өрөспүүбүлүкэ чөмпүйүөнүн, призерун, Уһук Илин федеральнай уокурук ,,Запоржскай,, турнирын чөмпүйүөнэ, ,,Азия оҕолоро,, сүүмэрдиир күрэҕин призера, ,,Азия оҕолоро,, норуоттар икки ардыларынааҕы 8-с спортивнай оонньууларын хапсаҕай көрүҥэр 55 кг үрүҥ көмүс мэтээл хаһаайынын Аллараа- Бэстээх 1 нүөмэрдээх орто оскуолатын 7 кылаас үөрэнээччитин, Доллу нэһилиэгин ыччатын Данил Сивцевы.
-Көҥүл тустууга Өрөспүүбүлүкэ чөмпүйүөнүн, призерун, Уһук Илин федеральнай уокурук ,,Содружество Кубога,, турнирын үрүҥ көмүс призерун, Тыва өрөспүүбүлүкэтигэр ыытыллыбыт Бүтүн Арассыыйатааҕы турнир боруонса призерун, ,,Күүстээх Ылдьыын,, өрөспүүбүлүкэтээҕи хапсаҕайга турнир чөмпүйүөнэ, ,,Азия оҕолоро,, норуоттар икки ардыларынааҕы 8-с спортивнай оонньууларын хапсаҕай көрүҥэр 50 кг боруонса мэтээл хаһаайынын, Аллараа-Бэстээх 1 нүөмэрдээх оскуолатын 8 кылаас үөрэнээччитин, Доллу нэһилиэгин ыччатын Ильдар Птицыны.
-Көҥүл тустууга Өрөспүүбүлүкэ чөмпүйүөнүн, призерун, Уһук Илин Федеральнай уокурук боруонса призерун, Арассыыйа первенствотын кыттыылааҕа, Боотурдар оонньууларын, Павел Павлович Пинигин турнирын кыайыылааҕа, призера, ,,Азия оҕолоро,, норуоттар икки ардаларынааҕы 8-с спортивнай оонньууларын Көҥүл тустуу көрүҥэр 44 кг үрүҥ көмүс мэтээл хаһаайына, Аллараа- Бэстээх 1 нүөмэрдээх орто оскуолатын 7 кылаас үөрэнээччитин, Нөөрүктээйи нэһилиэгин ыччатын Влас Афанасьевы.
— Көҥүл тустууга Өрөспүүбүлүкэ чөмпүйүөнүн, призерун, Уһук Илин федеральнай уокурук ,,Содружество Кубога,, турнирын кыайыылааҕа, Казахстааҥҥа ыытыллыбыт аан дойдутааҕы турнир призера, Боотурдар оонньууларын призера, ,,Азия оҕолорун,, норуоттар икки ардыларынааҕы 8-с спортивнай оонньууларын греко-римскэй тустуу кыттыылааҕын Аллараа- Бэстээх 1 нүөмэрдээх орто оскуола 7 кылааһын үөрэнээччитин, Үөһээ Дьааҥы улууһуттан Владимир Слепцову.
-Мэҥэ- Хаҥалас улууһун Василий Петрович Уваров аатынан көҥүл тустууга олимпийскай эрэл оскуолатын тренера, Арассыыйа успуордун маастарын Иван Елисеевич Белолюбскайы.
Бу үөрүүлээх түгэҥҥэ бастыҥ спортсменнарбытын эҕэрдэлээтилэр ,,Доллу нэһилиэгэ,, ТСТ баһылыга Николай Прокопьевич Сивцев уонна Аллараа- Бэстээх бөһүөлэгин баһылыга Юрий Николаевич Колмаков.
Аллараа -Бэстээхтээҕи Тимир Алексеевич Пинегин аатынан ,,Парус,, спортивнай комплекс, Василий Петрович Уваров аатынан көҥүл тустууга олимпийскай эрэл оскуолатын директорыгар Дьулустаан Иванович Захаров.
Биһиги нэһилиэкпит, улууспут ааттарын араас таһымнаах улахан күрэхтэргэ ситиһилээхтик көмүскүүр мадьыны ыччаттарбытынан киэн туттабыт!
ол курдук, СӨ ,,Федерация Кубога,, уонна ,,Спортивные Якутяне,, үөрэнээччилэр спартакиадаларыгар ситиһиилээхтик кыттан Өрөспүүбүлүкэ , Мэҥэ- Хаҥалас хамаандаларыгар киирэн муҥутуур кыайыыны аҕалсыбыт эдэр мадьыны уолаттарбытын чиэстээтибит. Нэһилиэк баһылыга Сивцев Николай Прокопьевич уонна ,,Тумул,, ТХПК профсоюһун председателя, СӨ тыатын хаһаайыстыбатын туйгуна Нина Дмитриевна Иванова, тэрилтэ салайааччылара уонна төрөппүттэр эҕэрдэ тыл этэн уолаттарга, тренердэргэ сэмэй бэлэхтэрин туттартаатылар:
-мас тардыһыыга Арассыыйа призера, 3 төгүллээх Өрөспүүбүлүкэ чөмпүйүөнэ, ,,Спортивные Якутяне,, үөрэнээччилэр спартакиадаларын чөмпүйүөнэ, СӨ ,,Федерация Кубогын,, хаһаайына, улуус, өрөспүүбүлүкэ турнирдарын элбэх төгүллээх чөмпүйүөнэ, призера, Социалистическай Үлэ геройа Т.Г.Десяткин аатынан Тумул орто оскуолатын 10 кылааһын үөрэнээччитигэр Айтал Слепцовка.
-мас тардыһыыга ,,Спортивные Якутяне,, үөрэнээччилэр спартакиадаларын үрүҥ көмүс призера, СӨ ,,Федерация Кубогын,, хаһаайына, улуус, өрөспүүбүлүкэ турнирын хас да төгүллээх чөмпүйүөнэ, призера, Социалистическай Үлэ геройа Т.Г.Десяткин аатынан Тумул орто оскуолатын 10 кылааһын үөрэнээччитигэр Айтал Кириллиҥҥэ.
-мас тардыһыыга Арассыыйа призера, 2 төгүллээх Өрөспүүбүлүкэ үрүҥ көмүс призера, СӨ ,,Федерация Кубогын,, хаһаайына, улуус, өрөспүүбүлүкэ турнирдарын хас да төгүллээх чөмпүйүөнэ, призера, Социалистическай (лэ геройа Т.Г.Десяткин аатынан Тумул орто оскуолатын 10 кылааһын үөрэнээччитигэр Эдуард Белолюбскайга.
-СӨ Физическай култууратын уонна успуордун туйгуна, Мэҥэ- Хаҥалас улууһун оҕо ыччат успуорт оскуолатын тренерэ, Сахаада успуордун маастарыгар Дмитрий Дмитриевич Устиновка.
Эрэллээх ыччаттарбытыгар, спортсменнарбытыгар, тренердэргэ инникитин да кыайыы -хотуу өрөгөйүн билин, дьоллоох олоҕу, туйгун үөрэҕи баҕарабыт!