
Доллу нэһилиэгэр С.Н.Сивцев- Доллу аатынан норуот айымньытын дьиэтигэр ураты интэриэстээх, арааһы мунньар дьикти дьарыктаах дьоммут түмсэн ,,Күһүҥҥү киһи күлбүтүнэн,, диэн атыы- тутуу дьаарбаҥкатын тэрийдилэр. Кыттыыны ыллылар Дьокуускай куораттан, Чурапчы, Уус- Алдан улуустара, Мэҥэ- Хаҥаластан Майя, Төҥүлү, Хаптаҕай, Тумул нэһилиэктэрин коллекционердара.

бу үөрүүлээх тэрээһиҥҥэ Дьокуускай куораттан Саха сирин коллекционердарын түмсүүтүн салайааччыта Надежда Усова тыл этэн эҕэрдэлээтэ, туох үлэ барарын уонна бэйэтин коллекциятын сырдатта. Хас биирдии кэлбит коллекционердарбыт бу интэриэһинэй дьарыктарын сырдаттылар, бэйэ икки ардыгар атастаһан, атыылаһан коллекцияларын хаҥаттылар.


Бу үөрүүлээх тэрээһиҥҥэ Доллу нэһилиэгин ТСТ аатыттан эҕэрдэ тылы эттэ баһылыгы солбуйааччы Т.А. Баишева, төлкөлөөх түһүлгэни олохтообут ,,Алыптаах,, коллекционердар түмсүүлэрин салайааччыта А.И. Корякина, Хотун Төҥүлү нэһилиэгин коллекционердарын салайааччыта Е.В. Михайлова. Бары кэлбит ыалдьыттарга Надежда Лыткина, Семен Десяткин, ,,Айылгы,, Тумул орто оскуола үҥкүү куруһуогун коллектива музыкальнай эҕэрдэлэрин тиэртилэр.




